Presidente da Republika Taur Matan Ruak, asina Plaka Simbolu inagurasaun ba Projetu Sentru Komunitaria, Saneamentu Publiku no Rehabilitasaun Bee mos, iha Suku Irabin de Cima, Municipiu Viqueqe
Sentru Komunitariu, Seneamentu Publiku no Rehabilitasaun Be’e mos ne’ebé konstrui iha Suku Irabin De Cima, postu Administrativo Uato-Carbau, Municipiu Viqueqe inagura husi Prezidente da Republika. Iha loron segunda feira dia 22 de Juñu de 2015 foin lalais nee.
Liu husi Implementasaun programa PNDS faze primeiru, Iha Suku Irabin De Cima hili prioridade tolu ne’ebé sai hanesan prioridade urgente maka Sentru komunitariu, Saneamentu Publiku no Rehabilitasaun bee mos iha Bubulale.
Total orsamentu subsidiu suku ne’ebé aloka ba suku ne’e ho montante $55,000, ne’e inklui fundus rua (Fundus Infraestrutura : $48,500.00 ho Fundus Operasional : $6,500.00). Fundus Infraestrutura $48,500.00 utiliza hodi implementa projetu prioridades 3 mak hanesan Sentru Komunitariu multi funsaun ho montante rihun 34, 354.00 dollar amerikano, kontrusaun Saneamento públiku ho montante rihun 8,872.00 dolar amerikano, no rehabilitasaun bee mos rihun 5,273.00 dollar amerikano.
Iha dialogu ho prezidente da Repúblika Taur Matan Ruak, komunidade sira preokupa ho orsamentu restu ne’ebé aloka ba suku Irabin De Cima ne’ebé tuir mata dalan PNDS la permiti atu uja tan ba hala’o kontruksaun seluk ka aumenta buat ne’ebé sei falta iha Sentru komunitariu.
Hatan ba preokupasaun nee, liu husi oportunidade ne’ebé entrega ba Directur Administrasaun no Finansas PNDS,
Presidente da Republika Akompanha husi Primeira Dama, hamutuk ho Chefe Suku Irabin de Cima loke Sampanha, no kua kek, iha imagen nee hatudu Chefe Suku espresa sentementu kontenti tamba projetu neebe sira konstrui inagura husi Presidente da Republika
Aderito Guterres hateten Programa PNDS implementa ho base legal dekretu Lei nomeru 8/2013, tuir Aderito Guterres orsamentu ne’ebé aloka ona ba Suku 442 kuando iha implementasaun ezekuta la hotu sei nafatin hela iha konta bankaria Suku nian, maibe sei la uja atu halo tan konstrusaun ruma enkuantu halo ona enkontru akontabilidade hodi halo sertifikasaun. Maibe la signifika katak orsamentu nee atu fila hikas ba kofre estado, orsamentu nee sei nafatin hanesan orsamentu Suku nian ne’ebé rai hela iha konta Bankaria suku iha banku BNCTL hodi ezekuta iha fase tuir mai enkuantu implementasaun faze tuir mai hahú hikas.
Iha parte seluk wainhira hatan kona-ba pedidu komunidade ba Presidente da Republika kona-ba uja orsamentu PNDS hodi hari Postu Saude iha Suku Irabin De Cima, Direktur Aderito Guterres hateten tuir Mata dalan Implementasaun PNDS parte Menu Indikativu sei la permiti atu bele hari’I Postu Saude foun, maibe ho orsamentu husi Ministeriu relevante hari’I ona postu saude iha Suku neba, dala nakloke no posibel atu bele uja orsamentu PNDS nian hodi halo extensaun ka kompleta buat balun ne’ebé sei falta iha postu saude ne’ebé hari’I ona husi Ministeriu da Saude, maibe la posibel mos katak postu nee foin hari’I atu halo kedan extensaun ka kompleta buat balun neebe sei falta.
