Iha loron 26/05/2015, Vise ministru Administrasaun Estatál, Tomás do Rosário Cabral, simbolikamente inagura
Vise Ministru, Tomas Cabral akompana husi Coo-Chefia Miguel ho Administrador Munisipiu Liquisa ofisialmente inagura projetu bee mos
projetu Programa PNDS 14 iha Postu Administrativu Maubara, Munisípiu Liquisa. Inagurasaun projetu programa PNDS ida ne’e konsentra iha Suku Maubara-Lissa.
Antes halo inagurasaun, Xefe Suku ho komunidade konvida Vise Ministru ho nia ekipa hodi ba hare besik liu rezultadu konstrusaun bee mós ne’ebé hala’o direitamente husi komunidade Suku Maubara-Lissa liu husi programa PNDS.
“Bee ida ne’e kuidadu ho didi’ak, alende uza ba konsumu, kanaliza mós ba rai atu nune’e bele utiliza ba kuda modo no rega ai horis hodi halo rai matak”, hato’o husi Vise Vice-Ministru da Administrasaun Estatál, Tomás do Rosário Cabral, iha Suku Maubara-Lissa, Postu Administrativu Maubara.
Lider komunitáriu ho autoridade lokál apresia ho prezensa Vise Ministru iha inagurasaun ida ne’e tanba ho prezensa hirak bele motiva liu tan komunidade sira nia partisipasaun no envolvimentu iha prosesu dezenvolvimentu liu-liu iha programa PNDS.
Konstrusaun bee mos iha Suku Maubara-Lisa-Maubara
Lider komunitária sente kontente tanba povu hetan benefísiu husi programa PNDS.
“Uluk, tempu bailoro komunidade sira susar tebes atu hetan bee mós, maibé agora ho PNDS bele dada bee besik ba iha komunidade nia let”. Rui Manuel, Xefe Suku Vaviquinia.
Rui Manuel, hanesan Xefe Suku husi Suku Vaviquinia, iha ninia diskursu apresia ho program PNDS, tanba programa ida ne’e komunidade rasik mak jere, hahú husi identifika problema dezenvolvimentu, halo planu, jere orsamentu, implementasaun programa, nune’e mós sai hanesan fiskalizador.
Postu Administrativu Maubara iha Suku 7, subsídiu suku programa PNDS ne’ebé aloka ba iha Postu Administrativu ida ne’e hamutuk iha $313,750.00, fundus ida ne’e inklui subsídiu operasional no infraestrutura.
Prezensa iha inagurasaun Coo-Chefia Miguel P. de Carvalho, Aderito Guterres, Diretór Jestaun Administrasaun Finansas PNDS, Administradór Munisípiu Liquisa, Domingos da C. dos Santos, inklui autoridade lokál no lider komunitariu husi Postu Administrativu Maubara.
