Iha loron sesta, 24 Abril, Sekretariadu Tékniku Programa Nasionál Dezenvolvimentu Suku (ST-PNDS) hala’o workshop kona-ba Jéneru, objetivu husi workshop ne’e mak atu finaliza planu asaun no estratéjia envolvimentu jéneru iha implementasaun programa PNDS iha territóriu.
Diretora Operasional Programa PNDS, Dulce Guterres Junior iha nia diskursu hatete katak : “Workshop nee hala’o ho objetivu atu hare hikas atividade hotu ne’ebé la’o ona durante ne’e liu-liu partisipasaun no envolvimentu maluk feto sira iha implementasaun programa PNDS, rezultadu ne’ebé hetan iha workshop ne’e sei sai hanesan referénsia ida hodi finaliza planu asaun no estratéjia jéneru ba tinan 2015”.
Intervista kona ba esperensia involvimentu maluk feto sira iha programa PNDS
Iha parte seluk Enkarregadu Diretór Diresaun Nasionál Dezenvolvimentu Polítika ba Jéneru husi Sekretáriu de Estado para o Apoio e Promoção Socio-Económica da Mulher, Herminio Xavier ne’ebé partisipa iha workshop nee orgullu ba programa PNDS tanba iha programa ne’e fo importánsia tebes ba envolvimentu maluk feto sira, liuliu iha parte kapasitasaun ba feto sira hodi envolve ativu iha prosesu Dezenvolvimentu nasaun.
Dezenvolvimentu nasaun ida ne’e atu ba oin la’os deit responsabilidade ema ida deit, maibé responsabilidade ita hotu-hotu ninia. Iha programa PNDS hanesan programa komunitáriu ida ne’ebé fo oportunidade ba ema hotu atu kontribui hodi involve iha prosesu dezenvolvimentu nasaun ninia.
Dulce Guterres Junior afirma katak iha PNDS Esforsu ne’ebé PNDS halo atu involve ativu feto sira iha
Partisipantes workshop halo hela diskusaun kona ba planu estratejia no asaun ba jeneru
dezenvolvimentu mak kapasita ona maluk feto sira iha suku ne’ebé involve an iha ekipa jestaun suku, iha kapasitasaun ne’e konsentra liu atu dezenvolve Abilidade maluk feto sira tuir ida-idak nia papél iha programa PNDS, papél espesífiku hirak ne’e mak hanesan kapasitasaun iha kestaun dezeñu ba aprosimasaun kustu ba projetu, kestaun sosiál oinsá atu organiza komunidade hodi define prioridade iha suku no kestaun finansas oinsá atu jere subsídiu suku ho akontabilidade no transparénsia.
Envolvimentu maluk feto sira iha Implementasaun programa PNDS liu-liu iha Ekipa Jestaun Suku (EJS), Fasilitador Suku, Komisaun Planeamentu Akontabilidade (KPA) inklui Ekipa Operasaun no Manutensaun (EOM) tuir dadus ne’ebé PNDS iha atinji ona 33%.
Workshop nee konta ho prezensa ekipa jestaun suku husi Munisípiu Baucau, Covalima no Liquisa, hola pate mós Sra. Kathy Richards hanesan Diretora Interinu Programa PNDS nomós primeiru sekretária husi embaixada Australia inklui mos funsionáriu PNDS. workshop nee rasik ramata ho diskute no dezenvolve planu estratéjia no envolvimentu jéneru iha implementasaun programa PNDS.
