Diretora Jestaun Operasional Programa PNDS, Dulce Guterres Junior Hamutuk ho Tim Lider Asesor ba PNDS, Muhamad Najib halo Abertura ba enkontru koordenasaun PNDS Nasional
Orsamentu ba implementasaun programa PNDS faze tres iha tinan 2015 governo propoin ona iha orsamentu ratifikativo, wainhira orsamentu nee hetan aprovasaun ita tengki aslera ona prosesu akordu ho komunidade atu asina kontratu implementasaun kona-ba proposta komunidade nian ne’ebé deside ona iha enkontru komunidade nian. Kuandu iha ona akordu ho komunidade mais tarde iha fulan abril ou maiu orsamentu tengki tranfere ona ba konta bankaria suku nian. Informa husi Diretora Jestaun Operasional Programa PNDS, Dulce Guterres Junior iha enkontru koordenasaun nivel nasionál ne’ebé hala’o iha Dili (26-27/03/2015).
Atu meliorha implementasaun programa PNDS, Dulce Guterres Junior husu atu Direktur Delegasaun PNDS iha Municipiu 13, atu kontinua serbisu hamutuk ho FST sira para atu bele aslera serbisu hotu-hotu iha Municipiu. Serbisu hamutuk entre FST no PNDS tengki sai ekipa ida ne’ebé forti atu bele fasilita komunidade sira hodi implementa projetu hirak ne’ebé sira deside hakarak kontui iha sira nia suku.
Iha enkontru koordenasaun nee, diresaun nasionál mos aprejenta kona-ba progresu actual konstrusaun projetu faze primeiru ba projetu 336 ne’ebé kompostu husi projetu sectoral sira mak hanesan saude, bee mos no saneamento, educasaun cultura e desportu, agrikultura seguransa alimentar, buka
Direktur Delegasaun PNDS Husi Municipiu sira Hamutuk ho Funsionariu PNDS Nasional Asiste hela Aprejentasaun Konaba Progresu actual Implementasaun Programa Tuir Relatoriu Quick Status
moris, no seitor seluk.
Tuir relatóriu Quick status ne’ebé aprenjenta husi xefe departamentu implementasaun programa, Olderico Lopes, progresu konstrusaun projetu 336 faze primeiru ne’ebé atinji ona 100% hamutuk projetu 235, projetu 80 iha persentajen entre 80 too 98, projetu 7 iha prosentu entre 70 too 79, projetu 10 iha persentajen 51 too 69 no projetu tolu porsentu 26 to 50%.
Enkontru koordenasaun nee ensera husi Direktur Administrasaun Finansas PNDS, Aderito Guterres hodi esplika kona-ba kestaun finansas, Logistika no kestaun seluk ne’ebé sempre preokupa husi funsionariu PNDS iha distritu mak hanesan fasilidades ne’ebé apoiu funsionariu sira atu bele hala’o knar ho diak liutan.
