Sekretariadu Tékniku PNDS Nasionál, organiza Administradór Munisípiu no Diretór Delegasaun husi Munisípiu 3 (Aileu, Ermera no Liquisa) halo vizita servisu iha Munisípiu Baucau (17-18/02/2015), atividade ne’e realija ho nia objetivu atu troka opinioins ba malu liu-liu kona ba implementasaun Programa PNDS iha Munisípiu ida-idak.
Eventual ba dahuluk iha atividade ne’e mak ekipa husi Munisípiu 3 hasoru malu ho autoridade sira iha Munisípiu Baucau, oinsá atu informa agenda kona ba atividade loron 2 ne’ebé mak atu hala’o.
Olderico Lopes, Xefe Departamentu Implementasaun Programa hanesan mós Xefe delegasaun ba eventual Municipal Cross Visit ida ne’e hato’o introdusaun katak : “Programa ida ne’e hala’o para atu troka esperiensia ba malu kona-ba implementasaun programa PNDS ne’ebé Munisípiu hotu hala’o ona”.
Administradór Munisípiu Baucau, Antonio A. Guterres ne’ebé simu ekipa iha edifísiu
Antoni Guterres, nudar Administrador Munisipiu Baucau simu ekipa husi Munisipiu 3 iha edifisiu Munisipiu Baucau.
Munisípiu Baucau, hato’o agradesimentu ba ekipa hotu tanba iha boa vontade atu fahe esperiensia ba malu kona ba programa PNDS ne’ebé Munisípiu implementa no esperiensia ne’ebé fahe liu husi atividade ida ne’e bele sai hanesan referénsia ida ba Munisípiu hotu, espesiál Munisípiu Baucau atu nune’e bele implementa programa PNDS ho diak liu tan.
Martinho Alves Sequeira Matos, Administradór Munisípiu Aileu, partisipa iha atividade ida ne’e, iha ninia intervensaun hatete katak: “PNDS Programa Governu ninia, no presiza liña seitor hotu ninia kordenasaun, tanba ejijénsia husi komunidade ne’e ejijénsia ne’ebé mak variedade”.
Alende reuniaun iha loron primeiru Munisípiu District Cross Visit, atividade ne’ebé
Fernando Gonsalves hanesan Diretor Delegasaun PNDS Munsipiu Liquisa, Liquisa, hato’o apresentasaun materia ba ekipa sira husi Munisipiu 3
hala’o mak halo apresentasaun matéria husi Diretór Delegasaun PNDS Munisípiu 3 liu-liu kona ba estratéjia no jestaun hodi fó susesu ba implementasaun programa iha munisípiu ida-idak. Matéria hirak ne’e mak hanesan jestaun rekursu umanu, aprezenta husi Diretór Delegasaun PNDS Munisípiu Liquisa, Fernando Gonçalves, Estratéjia Implementasaun PNDS, aprezenta husi Diretór Delegasaun PNDS Munisípiu Aileu, Abel da Conçeicão no Diretór Delegasaun PNDS Munisípiu Ermera, João Bosco Soares, aprezenta kona ba Kordenasaun Lina Seitoral. Apresentasaun hirak ne’e sai hanesan matéria ba diskusaun nomós lisaun ida ne’ebé foti hodi sai hanesan referénsia.
Sorumutu ho Ekipa Jestaun Suku no Benefisiáriu Programa PNDS
Gregorio da Silva, hanesan Fasilitador Suku Bahu/Baucau esplika hela prosesu implementasaun husi komunidade ba ekipa visita husi Munisipiu 3
Iha loron ba daruak atividade ne’ebé ekipa Munisípiu District Cross Visit hala’o mak vizita terrenu hodi hasoru malu direita Ekipa Jestaun Suku ho komunidade sira ne’ebé hetan benefisia husi programa PNDS liu-liu ba iha implementasaun projetu Konstrusaun Bee Mós iha Aldeia Gumi-Bere nomós konstrusaun Sentru Komunitáriu Multi Propózitu iha Aldeia Ro-Ulo.
Komunidade sente kontente ho prezensa programa PNDS iha sira nia Suku laran tanba bele rezolve sira nia problema dezenvolvimentu ne’ebé mak durante ne’e sira enfrenta.
“Antes ne’e ami kuru bee iha fatin Waimori Bere ho distánsia kilo metru 3 resin, maibé agora ami kontente tanba ami bele kuru bee iha ami nia aldeia laran ona”, hato’o husi Moises Freitas da Conceição, hanesan komunidade, husi Aldeia Gumi Bere, Suku Bahu-Baucau.
Buat ida ne’ebé mak pozitivu tebes hetan iha atividade Munisípiu District Cross Visit ne’e mak ekipa louva ka fo apresiasaun ba Ekipa Jestaun Suku (EJS) husi Suku Bahu, ne’ebé mak dominan tebes kona ba sira nia kna’ar iha programa PNDS, no sira iha aten bot no fuan bot tebes hodi implementa programa ida ne’e iha sira nia Suku laran maske ho insentivu ne’ebé mínimu tebes, no sira iha espíritu bo’ot atu fó susesu ba programa PNDS ida ne’e iha sira nia Suku, tanba dezenvolvimentu ne’ebé sira hala’o iha sira suku liu husi programa ne’e fizikamente sei util ba sira rasik.
Espera katak ho atividade ida ne’e bele aumenta tan referénsia ba malu liu-liu ba autoridade husi Munisípiu 4 atu bele aplika iha servisu loro-loron, no fiar katak iha futuru sei iha atividade hanesan no ita sei konvida ekipa jestaun suku husi suku ida husi distritu sei halo vizita ba iha suku seluk ho distritu ne’ebé la hanesan, PNDS hamutuk Ita Dezenvolve Nasaun.
-
- Konstrusaun Sentru Komunitaria Multi propozitu iha Aldeia Golgota
-
- Komunidade Sira servisu hamutuk hodi taka plafon ba Sentru Komunitria Multi Propozitu
-
- Administrador Munisipiu Aileu, Martinho Matos hato’o diskursu badak ba ekipa iha Munisipiu Baucau
-
- Fernando Gonsalves hanesan Diretor Delegasaun PNDS Munsipiu Liquisa, hato’o apresentasaun materia ba ekipa sira husi Munisipiu 3
-
- Gregorio da Silva, hanesan Fasilitador Suku Bahu/Baucau esplika hela prosesu implementasaun husi komunidade ba ekipa visita husi Munisipiu 3
-
- Antoni Guterres, nudar Administrador Munisipiu Baucau simu ekipa husi Munisipiu 3 iha edifisiu Munisipiu Baucau.
