DGDL, Miguel Pereira de Carvalho (Faru Metan) ba hare besik komunidade sira kuru bee, no komundade kontente tanba bee besik ona sira fatin.
Implementasaun programa PNDS ne’ebé implementa iha Suku Fuat, Postu Administrativu Iliomar, Munisípiu Lautem, fo duni benefísiu ba komunidade iha suku laran, informasaun ida ne’e identifika bain hira ekipa komunikasaun akompaña ekipa Coo. Chefia/DGDL, Miguel Pereira de Carvalho ba vizita servisu programa PNDS iha Postu Iliomar (10/02/2015).
Martins Pinto, Chefe Suku Fuat hatete katak :
“Antes ne’e hau nia komunidade atu asesu ba hetan bee mós sira tenke la’o ain mais ou menus km 1 resin, maibé ho implementasaun programa PNDS, komunidade sira nia problema bee mós bele rezolve ona no sira bele hetan ona bee mos iha suku laran rasik”.
PNDS laos projetu maibé PNDS nu’udar programa ida ne’ebé mak atu kapasita mós komunidade sira oin sá sira bele identifika rasik sira nia problema dezenvolvimentu ne’ebé sira enfrenta iha sira nia Suku laran, no liu husi programa PNDS komunidade mak sai hanesan autór ba dezenvolvimentu iha sira nia Suku laran.
Coo. Chefia/DGDL, Miguel Pereira de Carvalho, iha ninia vizita ida ne’e hatete katak
Coo. Chefia/DGDL rona hela esplikasaun husi komunidade kona-ba involvimentu komunidade iha servisu konstrusaun
xave atu fó susesu ba dezenvolvimentu iha Suku laran mak komunidade hotu ninia partisipasaun, no nia husu komponente suku hotu atu hola parte iha implementasaun programa PNDS iha suku ida-idak, tanba PNDS mak programa Governu ninia ne’ebé determina dezenvolvimentu iha Suku no Aldeia liu husi finansiamentu ba infraestrutura bázika ne’ebé komunidade sira deside hamutuk. Diretór Jeral Dezenvolvimentu Lokál mós husu ba komunidade sira atu kuidadu no tau atensaun didi’ak programa fíziku ne’ebé implementa ona liu PNDS, atu nune’e bele utiliza ba iha tempu ne’ebé naruk.
Iha Suku Fuat, komunidade deside proposta 3 mak sai hanesan prioridade as liu atu implementa, projetu 3 ne’e mak hanesan Konstrusaun Bee mós ho montante orsamentu $20.533,96, Konstrusaun Valeta ho montante orsamentu $16.821,75 no MCK ho montante orsamentu $6.644,29. Projetu tolu nee implementa husi komunidade rasik no besik finaliza ona iha tempu badak nia laran.
