Sentru Komunitaria Multi Propozitu iha Aldeia Thcailoro-Tutuala
Sentimentu elojiu ba implementasaun programa PNDS nee, prezidente da repúblika deklara bainhira hala’o diálogu ho komunidade no inagura projetu Konstrusaun Sentru Komunitáriu Multi Propózitu iha Aldeia Tchailoro Sub-Distritu Tutuala, Distritu Lautem (30/01/2015)
“Hau kontente no gosta programa governu liu-liu ba programa PNDS ne’ebé fó fiar tomak bakomunidade atu jere no implementa projetu ki’ik hirak ne’ebé bele fó benefísiu direita ba sira iha area rural”, hato’o husi Sr. Taur Matan Ruak, Prezidente RDTL.
Sekretáriu Estado Dezenvolvimentu Lokál (SEDL), Samuel Mendonça
Sua. Excia Presidente Taur Matan Ruak asina palaka inaugurasaun Projetu Programa PNDS iha Aldeia Thcailoro-Tutuala
ne’ebé partisipa iha inaugurasaun projetu programa PNDS ne’e, iha ninia intervensaun enkoraja lider komunitáriu sira ninia kontribuisaun oinsá atu organiza komunidade hotu atu bele partisipa iha implementasaun programa PNDS iha suku no aldeia, atu nune’e bele fó susesu ba dezenvolvimentu iha nivel komunitaria.
“Programa PNDS, programa nasionál governu Timor Leste ninia ne’ebé implementa iha territóriu Timor Leste, tanba nee presiza tebes kontribuisaun husi lideransa lokál sira oinsá atu enkoraja komunidade hodi partisipa no bele fo susesu dezenvolvimentu iha Suku laran”, hato’o husi SEDL, Samuel Mendonça.
Iha parte seluk autoridade lokál nomós lider komunitária, hanesan
Chefe Suku Tutuala, Antonio da Fonseca argumenta razaun fundamentál hodi konvida no husu disponibilidade Sua.Ex.Cia Prezidente da Repúblika hodi inagura projetu konstrusaun nee, tanba atu hatudu ba Estado no Governu katak komunidade mós iha kapasidade atu implementa rasik Dezenvolvimentu iha sira nia suku laran ho subsídiu ne’ebé mai husi governu liu husi implementasaun programa PNDS.
Serimonia Inaugurasaun projetu Programa PNDS iha Tutuala
Programa PNDS hanesan programa komunitáriu ne’ebé fó oportunidade tomak ba komunidade sira atu identifika sira nia difikuldade dezenvolvimentu ne’ebé sira enfrenta, no iha implementasaun programa ida ne’e komunidade sira mak iha responsabilidade atu jere programa, halo planu, implementa no halo manutensaun ba tempu ne’ebé naruk.
