Proposta projetu infraetrutura basiku 995 husi suku 452 iha teritoriu Timor Leste Sekretariado propoin atu implementa iha 2020 ho orsamento estado, proposta nee aprezenta husi Diretora PNDS iha sorumutu integrado desenvolvimento Munisipal nivel nasional neebe halao iha Timor Plaza, salaun suai Room, 04/03/2019
Diretora PNDS, Dulce Guterres Junior Hala’o Intervensaun iha sorumutu Integrado Desenvolvimento Munisipal Nivel Nasional iha Salaun Suai Room, Timor Plaza.
Iha aprezentasaun Diretora ST.PNDS, Dulce Guterres Junior informa katak iha tinan 2020 Total projeitus infraestrutura basiku hamutuk 955 ne’ebe PNDS sei halo projeito sira mai husi Aileu iha 62 projeitus, Ainaro iha 42 projeito, Baucau iha 118 projeitos , Bobonaro iha 100 projeitos , Covalima iha 60 projeitos , Dili iha 99 projeitos , Ermera 104 projeitos , Lautem 68 projeitos , Liquisa 46 projeitos , Mantutu 67 projeitos ,Manufahi 58 projeitos , Oe-cuse 56 projeitos ,Viqueqe 75 projeitos ; maibe iha suku balun iha projeitu rua suku balun iha projeitu ida ,nebe mak sei implementa iha tinan 2020. Mesmu sei iha hela plano maibe espera katak governo sei aloka osan ba iha 452 suku’s iha tinan 2020
Diretora reafirma mos katak iha tinan 2019 PNDS sei halo eskola 9 ho fundus infrastrutura nebe mak koloka husi ministeriu edukasaun, tanba ne’e PNDS iha hela perparasaun atu halao ona serviso ida ne’e.
Partisipantes Sira Antusias Tebes Rona Intervensaun Husi Asessor Prinsipal Ministeriu Administrasaun Estatal, Senhor, Tomas do Rosario Cabral iha Salaun Suai Room, Timor Plaza, Dili.
Hare ba total projeitos ne’ebe iha seitor hanesan dalan, ponte no controla de ceiais mak iha grafiku ne’e a’as liu komunidade sira propoin atu implementa iha sira nia suku nune’e tuir kedan seitor Be’e mos no saneamento enkuantu suku balun iha areia rural kontinua propoin kontrusaun centru komunitariu.
Diretora, PNDS afirma mos katak iha seitor educasaun no saude tinan 2020 PNDS sei kontinua implementa projetu ho tipu rehabilitasaun no extensaun deit no sei la halo kontrusaun foun iha seitor rua nee. Iha parte educasaun PNDS sei halo rehabilitasaun no extensaun ba sala eskola balun enkuantu iha parte saude sei rehabilita klinika ne’ebe iha kondisaun a’at ona.
Diretora Dulce Guterres Junior reafirma mos katak iha Tinan kotuk PNDS propoin orsamentu 22 mil, tinan ne aumenta provolta 530 mil, tamba sensus fo fila 2015 aumenta populasaun iha suku balun, tanba nee atu implementa projetu 995 iha 2020 iha tinan nee PNDS komesa halo sosialzjasaun no revisaun ba matadalan PNDS.
Ho nune’e iha oportunidade nee Lider masimu PNDS ne’e husu nafatin Presidente Autoridade Munisipal sira no Administrador Munisipiu sira atu tau matan hodi kontrola implementasaun PNDS iha tinan oin
