Vise Ministru do MAE, Lino de Jesus Torrezãon Ofisial Entrega Viaturas Operasional PNDS

Vice Ministru Administrasaun Estatal, Lino de Jesus Torezãon, Halao Intervensaun iha Seremonia Entrega Viatura ba Diretor Delegasaun Munisipiu hat Hanesan Aileu, Dili, Emera no Liquisa iha Salaun VIP MAE.

Vice Ministru Administrasaun Estatal, Lino de Jesus Torezãon, Halao Intervensaun iha Seremonia Entrega Viatura ba Diretor Delegasaun Munisipiu hat Hanesan Aileu, Dili, Emera no Liquisa iha Salaun VIP MAE.

 

Ministeriu Administrasaun Estatal liu husi Vice Ministru, Lino de Jesus Torrezãon Ofisial Entrega Viaturas Operasional ST-PNDS hamutuk 16, serimónia entrega viaturas hirak ne’e halao segunda feira ne’e iha Edifisiu Ministeriu Administrasaun Estatal Dili, 10/05/2021.

Diretor Geral Dezenvolvimentu Rural, Rosito Guterres, Hato Mensagen ba Diretor Delegasaun Munisipiu Sira atu uza Viaturas Hirak ne’e ho Responsabilidade no Labele uza ba Halo Serbisu Privadu

Diretor Geral Dezenvolvimentu Rural, Rosito Guterres, Hato Mensagen ba Diretor Delegasaun Munisipiu Sira atu uza Viaturas Hirak ne’e ho Responsabilidade no Labele uza ba Halo Serbisu Privadu.

Kareta operasional hirak ne’e 13 entrega ba Diretor Delegasaun PNDS Munisipiu 12 inklui RAEOA no 3 Sekretariado PNDS Nasional hodi apoiu servisu iha terenu

Amu Lulik Akompanya Husi Vice Ministru do MAE, Diretor Geral Dezenvolvimentu Rural, no Diretora ST-PNDS Halao Bensa ba Viatura Nebee Entrega ba Diretor Delegasaun Munisipiu Sira.

Amu Lulik Akompanya Husi Vice Ministru do MAE, Diretor Geral Dezenvolvimentu Rural, no Diretora ST-PNDS Halao Bensa ba Viatura Nebee Entrega ba Diretor Delegasaun Munisipiu Sira.

Vice Ministru Administrasaun Estatal, Lino de Jesus Torezãon, Iha intervensaun hateten kareta hirak sei utuliza nudar operasional PNDS hodi bele halao serbisu ne’ebe liga ho aktividade PNDS nian maka hanesan aktividade implementasaun PNDS regular, konstrusaun uma ba ema kbi’it Laek, mesmu nune’e la taka dalan ba apoiu aktividade Administrasaun nian iha nivel Munisipiu, enkuantu iha Munisipiu mak iha Aktvidade ne’e persija apoiu, Diretor Delegasaun sira iha Munisipiu iha obrigasaun atu bele suporta.

Iha oportunidade hanesan Diretor Geral Dezenvolvimentu Rural, Rosito Guterres, iha nia intervensan husu ba Diretor Delegasaun Munisipiu sira atu uza viaturas hirak ne’e ho responsabilidade no lebele uza ba halo serbisu privadu maibe tenke fokus ba serbisu hirak ne’ebe liga ho programa PNDS. Rosito Guterres reafirma katak ho transporte hirak ne’e bele responde difikuldade hirak ne’ebe PNDS enfrenta iha terreno durante ne’e.

Tuir observasaun Ofisial Media PNDS, Diretor hat ne’ebe reprezenta husi Munisipiu Aileu, Dili, Ermera no Liquisa hodi simu simbolika viaturas hirak ne’e hatudu sira nia jestu kontente tanba ho apoiu tan transporte ne’e bele fasilita diak liután aktividade implementasaun PNDS iha Munisipiu sira.