Vice Ministro Edukasaun Joventude e Desportu Inaugura projetu fatin halimar Bahu’u Munisipiu Baucau

Vice Ministro Educasaun Joventude e Desportu, Joao Zacarias Freitas Inaugura Fatin Halimar iha suku Bahu'u, Lanud Munisipiu Baucau

Vice Ministro Educasaun Joventude e Desportu, Joao Zacarias Freitas Inaugura Fatin Halimar iha suku Bahu’u, Lanud Munisipiu Baucau

Vice Ministro Edukasaun Joventude e Desportu, Joao Zacarias Freitas Soares ofisilamente inaugura projetu fatin halimar iha suku Bahu’u Munisipiu Baucau iha 17/05/2019

Inaugurasaun Projetu fatin halimar iha suku Bahu’u Munisipiu Baucau nudar projetu ikus husi 26 projetu fatin halimar, obra husi  Ministerio Edukasaun Joventude e Desportu ne’ebe implementa husi Programa Nasional Dezenvolvimentu Suku.

Iha intervensaun vice Ministro Edukasaun Joventude e Desportu Joao Zacarias Freitas Soares  hato’o agradesimentu profunda ba PNDS tanba ho esperensia serbisu ne’ebe diak bele finaliza ona obra ida ne’e ho diak, tanba ne’e lori Ministerio nia naran husu atu kontinua serbisu hamutuk ne’e hodi konstrui tan fatin halimar 100 resin neebe sei implementa iha territóriu Timor Leste. Entretantu presidente Autoridade Munisipal Baucau, Antonio Guterres afirma katak fatin halimar ne’e konstrui iha arredores militar nian maibe laos uja deit ba militar nian oan sira mak bele asesu ba eskola refere maibe povo ne’ebe hela  besik iha fatin ne’e mos sira nian oan bele asesu hotu iha fatin ne’e tanba militar mai husi povo.

Labarik sira Komesa halimar ona iha Fatin Halimar neebe foin Inaugura husi Vice Ministro Educasaun Joventude e Desportu

Labarik sira Komesa halimar ona iha Fatin Halimar neebe foin Inaugura husi Vice Ministro Educasaun Joventude e Desportu

Iha oportunidade ne’e inan aman husi labarik infantil ne’ebe hola parte mos iha serimónia inaugurasaun ne’e husu ba ministériu edukasaun joventude desportu atu tau atensaun ba kondisaun fatin aprendijajen ne’e limitadu ho sala rua deit atu bele toma atensaun hodi aumenta sala eskola iha fatin ne’e hodi bele ajuda prosesu apredijajen iha fatin ne’e ho diak.

Hola parte iha serimónia inaugurasaun ne’e alende inan aman marka mos prezensa autoridade sectoral iha munisípiu Baucau,reprejentante Sekretariado tékniku PNDS no funsionáriu PNDS Munisipiu Baucau.