Kria Serbisu Iha Ponilala

Sentru komunidade iha Suku Ponilala ne’ebé mak harii hela

Sentru komunidade iha Suku Ponilala ne’ebé mak harii hela

Komunidade sira iha Suku Ponilala konstrui hela sentru komunidade tolu, uza orariu empregu rotativu hodi garante katak komunidade hotu iha oportunidade atu hetan osan ruma.

Ba kada sentru komunidade, projetu kontrata badaen na’in haat ba durasaun projetu.  Sira mak responsavel atu garante kualidade no konsisténsia ba  konstrusaun ne’e.

Kada badaen manan osan $250, halo ho transferensia dala haat.  Montante ne’ebé mak konkorda ona iha sorumutuk KPA no EIP nian.

Maioria husi traballador sira hala’o serbisu ho baze rotativu ka troka malu.  Serbisu ne’e involve traballador entre na’in haat to’o sanulu kada semana no selu ho osan $3 kada loron.  Kada ema ida bele serbisu ba masimu loron lima, no se ema ne’ebé laiha serbisu mak iha direitu ba serbisu ida ne’e.

EIP kalkula ema mazumenus na’in 180 mak involve ona iha serbisu projetu ne’e nian.

Traballador hotu mai husi Aldeia fatin hala’o serbisu ne’e.

Sei hili hotu mane no feto sira ba serbisu rotativu ne’e.  Iha kalkulasaun katak 40% husi traballador sira mak ema feto.  Serbisu ho pagamentu balun inklui te’in ba traballador sira.

Xefi Aldeia (hamutuk ho Sefi EIP) sei iha funsaun importante ba mobilizasaun traballador iha sira nia Aldeia – sira mak responsavel atu hili traballador sira no monitoriza se mak mai serbisu.

Ema barak husi komunidade mak mai sai ona voluntáriu hodi mai tulun serbisu ne’e, maske la hetan pagamentu.