ST-PNDS Realiza Treinamentu Refreshing Hodi Funsionariu Sira Apa’ar Diak Mata Dalan Implementasaun PNDS

Diretora PNDS Nasional, Dulce Guterres Junior, hala'o intervensaun ba partisipante sira iha Treinamentu Refreshing iha Salaun Eks Finansas, Dili.

Diretora PNDS Nasional, Dulce Guterres Junior, hala’o intervensaun ba partisipante sira iha Treinamentu Refreshing iha Salaun Eks Finansas, Dili.

Treinamentu refreshing nee halao durante loron hat iha Sekretariado Nasional PNDS kona ba mata dalan implementasaun hodi foka ba iha aspeitu Sosial, Finansas no Tekniku ne’ebe partisipa husi funsionarios Sekretariado Nasional, assesores no ekipa FST (Field Support Team). Hahu husi dia 09/04-12/04/2019.

Diretora PNDS Dulce Guterres Junior, wainhira dada lia ho media sira afirma Liu husi treinamentu refreshing nee funsionariu sira atu bele komprende didiak mata dalan implementasaun no iha hanoin hanesan ba formatu materia husi parte sosial, finansas no tekniku.

Partisipante ba Treinamentu Refreshing hala'o Test ba Materia 3 ne'ebe kompostu husi Sosial, Finansas no Teknik iha Salaun Eks Finansas, Dili

Partisipante ba Treinamentu Refreshing hala’o Test ba Materia 3 ne’ebe kompostu husi Sosial, Finansas no Teknik iha Salaun Eks Finansas, Dili

Diretora PNDS, reafirma Progresu barak ne’ebe pnds halo ona durante implementasaun hahu husi pilotu iha tinan 2013 to tinan 2016, Governu aloka orsamentu ba PNDS provolta 30 ital milhoes hodi implementa programa ne’e iha suku 442, husi orsamentu ne’ebe Governo aloka, PNDS konstrui ona projetu infraestrutura basiku hamutuk 1374.

Iha tinan 2019 governo aloka tan orsamentu 9 ital  miloens ne’ebe fahe ba kategoria orsamentu infraestrutura ho montante 7,2 miloens no orsamentu operasinal 2 ital miloens. Husi orsamento ne’e PNDS sei implementa iha suku 202 no kontinua halo prosesu planeamentu ba iha sukus 452 atu nune sukus sira preparado ba prosesu planeamentu no hatene prioridades saida mak sei halao iha 2020 mai.

Diretora PNDS optimista katak mesmu Iha difikuldades barak maka PNDS hasoru iha implementasaun maibe difikuldades hirak ne’e la sai hanesan obstaklu boot ba PNDS atu kontinua ezerse responsablidade hodi kontinua implementa programa nee iha suku hotu iha teritoriu hodi responde difikuldade ne’ebe komunidade sira enfrenta atu bele ajuda dezenvolvimentu husi nivel suku.