Diretora Nasional ST-PNDS, Claudinha Soares Pinto Akompanha husi Reprezentante PARTISIPA, Alvaro Ribeiro; halo Abertura ba Treinamentu Matadalan Implementasaun Uma ba Ema kbi’it Laek (UKL) iha Nivel Nasional iha salaun CNE
Sekretariado Tekniko Programa Nasional Dezenvolvimentu Suku realiza Treinamento ba Matadalan Implementasaun Uma ba Ema Kbi’it Laek iha Nivel Nasional ne’ebe maka involve Diretores Delegasaun PNDS Munisipios, Assesor husi PARTISIPA, FST, inklui funsionarios Sekretariado PNDS, aktividade ne’e hala’o durante loron tolu iha salaun CNE Dili; 12-14/01/2021.
Objective principal husi treinamento ne’e atu fahe informasaun ne’ebe sai nudar manual ba partisipante sira hotu konaba matadalan implementasaun uma ba ema kbi’it laek (UKL), programa ida ne’e hanesan sub atividade ida husi programa nasional dezenvolvimentu suku ne’ebe sei foka liu ba konstrusaun uma ho digno ba familia ka ema kbi’it laek iha nivel aldeia.
Chefe Unidade Operasional, Marcio J.M.F. Lihite hala’o aprejentasaun Konaba Matadalan Implementasaun Uma ba Ema Kbi’it Laek (UKL)
Iha intervensaun Diretora ST-PNDS, Claudinha Soares Pinto, apela ba partisipante sira hotu atu iha hanoin ida ka presepsaun ida deit ba iha Manual ka Matadalan Implementasaun UKL, alen de implementasaun uma ba ema kbi’it laek iha tinan ne’e mos PNDS implementa aktividade rehabilitasaun sede suku no kontinua implementa aktividade regular PNDS normal.
Diretora ST-PNDS, Claudinha Soares Pinto informa mos ba partisipante sira katak, iha organika Ministerio nia ne’ebe maka foin aprova iha artigo 53/2020 nebe maka hamosu Dirasaun Geral ba Dezenvolvimento Rural, tanba ne’e PNDS sei tutela hanesan Diresaun Nasional ida ba Diresaun Geral ne’e.
Paerisipante sira Antusiasmu tuir Treinamentu Matadalan Implementasaun Uma ba Ema Kbi’it Laek iha Salaun CNE dili
Enkuantu Reprezentante PARTISIPA, Assesor Implementasaun Programa, Alvaro Ribeiro reafirma katak Governo Australia liu husi DFAT no implementador PARTISIPA pronto atu kontinua fo apoio ba programa PNDS entermos Asistensia teknika.
Aktividade treinamentu mata dalan implementasaun uma ba ema kbi’it laek ne’e ensera iha loron 14/01/2021.
