ST-PNDS Realiza Enkontru Steering Committee iha Salaun Enkontru VIP Ministeriu Administrasaun Estatal

Diretora Actual PNDS Aprezenta lalaok Implementasaun Fundu Covid ba Membru Steering Committee.

Diretora Actual PNDS Nasional Aprezenta lalaok Implementasaun Fundu Covid ba Membru Steering Committee.

Steering Committee Ne’ebe Kompostu husi Ministeriu Admininistrasaun Estatal, Ministerio das Financas no Ministerio Negosio Estrangeiro no Kopersaun, Embaixada Australia. hala’o Enkontru iha salaun Enkontru VIP Ministerio Administrasaun Estatal, Dili, 17/08/2020.

Enkontru ne’e nudar etapa atu define didiak lalaok implementasaun fundus reziliensia komunitaria no rekoperasaun ekonomia husi Governu Australia (DFAT), ne’ebe responsabliza husi Programa Nasional Dezemvolvimentu Suku.

Objetivo principal husi enkontru ne’e maka atu deskute agenda espesifiku ne’ebe propoin iha reuniaun extraordinario  maka hanesan Diskusaun no aprovasaun ba revizaun matadalan no montante alokasaun orsamentu operasaional ba ST-PNDS Nasional no PNDS Munisipio, aprovasaun ba revisaun menu indikativo, diskusaun no aprovasaun konaba orario no termu da referensi ba grupo monitorizasaun independente (IMG) ne’ebe planea atu hala’o nia kanar iha tempo badak.

Alein de deskute no solusita membro Steering Committee nia aprovasaun ba proposta mundanca/revisaun konaba alokasaun orsamentu operasional ba Sekretariado Tekniko PNDS Nasional no PNDS Munisipiu, inklui matadalan implementasaun balun ligado ho ezekusaun orsamentu no implementasaun ne’ebe konsiderado importante no urijente.

Aprezentasaun konaba lalaok implementasaun fundus Covid-19

Aprezentasaun konaba lalaok implementasaun fundus Covid-19

Husi enkontru membro Steering Committee konsege halo aprovasaun ba mudansa utilizasaun fundus operasional Nivel Nasional no Munisipiu, aprovasaun ba subtituisaun membru foun steering committee “Diretora ST-PNDS foun troka Diretora Sesante” alende ne’e hala’o mos aprovasaun ba TOR termos referensia atu hala’o monitorizasaun konjunta no mos aprovasaun grupo internasional ba monitorizasaun (espert internasional sei halo husi independent espert internasional) inklui aumenta item atividade Estrada.