Sosializasaun Faze 3 Siklu 2 iha Suku Ma’abat Munisipiu Manatuto Re-verifika mos Planu Prioridade PIIM Hodi Implementa iha Implementasaun PNDS 2019

Chefe Unidade Gestaun Operasional, Marcio J. Marcal hala'o Intervensaun iha Enkontru Sosializasaun Nivel Munisipiu iha Munisipiu Manatuto, Postu Administrativu Manatuto Villa.

Chefe Unidade Gestaun Operasional, Marcio J. Marcal hala’o Intervensaun iha Enkontru Sosializasaun Nivel Munisipiu iha Munisipiu Manatuto, Postu Administrativu Manatuto Villa.

Sosializasaun faze 3 siklu 2 iha suku Ma’abat Munisipiu Mantutu realiza 28 marco 2019,iha sosializasaun nee suku Ma’abat halo mos re-verifikasaun ba prioridades PIIM ne’ebe deside ona iha tinan rua kotuk hodi implementa iha implementasaun PNDS 2019.

Iha abertuda ba suku Ma’abat, Postu Administrativo Manatutu villa, Munisipio Manatutu, Chefe suku ma’abat; Antonio k. Soares da Silva hateten objetivo principal husi sosializasaun nee mak atu bele fahe informasaun tuir mata dalan PNDS nian.

Iha intervensaun Chefe unidade Operasional PNDS, Marcio J. M. F. Lihite katak ekipa nasional iha hodi no partisipa ba prosesu tomak ne’ebe mak iha hodi fasilita mos komunidade sira atu bele deside prioridades sira, tamba komunidade mak nain ba programa no komunidade mak sei halo plano no implementa projeitu ne’ebe deside. Iha oportunidade ida ne mos chefe unidade ne husu ba komunidade atu partisipa ativu iha implementasaun PNDS tamba liu husi partisipasaun mak bele kapasita mos komunidade sira iha aspektu planeamentu, jestaun iha implementasaun.

Ekipa PNDS Munisipiu Manatuto hala'o Esplikasaun Konaba Impementasaun PNDS Faze 3 Siklus 2 iha Enkontru Sosializasaun Nivel Munisipiu.

Ekipa PNDS Munisipiu Manatuto hala’o Esplikasaun Konaba Impementasaun PNDS Faze 3 Siklus 2 iha Enkontru Sosializasaun Nivel Munisipiu.

Chefe unidade operasional PNDS informa mos katak iha implementasaun PNDS 2019 iha mundasa ba kestaun maka hanesan prosesu aprovijionamentu fo mos oportunidade ba kompanha lokal sira hodi compete fornese material fabrikado ho intensaun atu bele hakbiit kompanha local sira hodi dezenvolve an.

Entertanto Chefe suku Ma’abat, Antonio k. Soares da Silva informa mos ba komunidade sira katak liu husi sosializasaun ida ne’e mak komunidade sira bele hare hikas proposta prioridades ne’ebe hato ona iha tinan kotuk atu bele halo re-verifikasaun ba projeitu hirak ne’e hodi submeter hikas iha implementasaun PNDS 2019.

Sosializasaun iha suku Ma’abat komunidade konsege re-verifikasaun proposta PIIM iha tinan kotuk hodi submete nudar proposta projeitu prioridade ne’ebe sei implementa iha tinan 2019 maka hanesan valeta iha Estrada ninin hodi liga suku Ma’abat ba iha aldeia Sohar.

Sosializasaun iha suku Ma’abat, Postu Mantutu villa, Munisipio Manatutu hetan partisipasaun husi autoridade lokal, administrador postu inklui komunidade no funsionrio PNDS nivel postu hanesan fasilitador Teknik, Finansas no Sosial.