PNDS Munisipiu Baucau Realiza Enkontru ho Fornesedor no Kompanha Hodi Bele Fahe Informasaun Konaba Prosesu Aprovizionamentu Fornese Material Fabrikadu

Fornesedor no Emprejario Lokal husi Munisipiu Baucau rona hela aprezentasaun konaba prosesu aprovizionamentu husi Tekniku PNDS

Fornesedor no Emprejario Lokal husi Munisipiu Baucau rona hela aprezentasaun konaba prosesu aprovizionamentu husi Tekniku PNDS

Enkontru ho fornesedor nudar meus atu bele hatene no alista fornesedor no kompanha lokal iha Munisipiu Baucau ne’ebe iha interese atu tuir konkursu aprovizionamentu fornese material fabrikadu ba implementasaun PNDS faze 3 siklu 2, iha Munisipiu Baucau, enkontru ne’e realiza iha salaun enkontru Munisipal Baucau 17/05/2019

Presidente Autoridade Munisipal Baucau, Antonio Guterres iha nia intervensaun afirma PNDS iha Munisipiu Baucau forte no ba futuru tengki nafatin forti hodi fo atendementu ba komunidade ho diak.

Iha oportunidade ne’e Presidente Autoridade Munisipiu Baucau, Antonio Guterres husu ba fornesedor no kompanha lokal sira iha Munisipiu Baucau ne’ebe sei hetan oportunidade hodi fornese material fabrikadu no material lokal atu koopera diak ho ekipa jestaun suku sira husi postu tolu ne’ebe sei implementa programa PNDS faze 3 siklu 2,  tuir Antonio Guterres mesmu orsamentu uituan maibe importante atu bele hetan fiar nafatin husi ekipa jestaun suku sira hodi fo oportunidade ba kompanha sira hodi distribui material, no importante liu mak kompanha sira kontribui mos ba dezenvolvimentu iha suku.

Forenesedor sira husi klarifikasaun konaba distribuisaun material fabrikadu ba fatin projetu liga ho kustu transporte

Forenesedor sira husi klarifikasaun konaba distribuisaun material fabrikadu ba fatin projetu liga ho kustu transporte

Iha enkontru ne’e mos fornesedor sira kestiona kestaun balun liga ho distribuisaun material fabrikadu ba fatin projetu ne’ebe dala ruma asesu estrada la to’o iha fatin projetu, hatan ba kestaun ne’e Presidente Autoridade Munisipal Baucau hateten enkuantu mosu difikuldades sira nune’e fornesedor no kompanha sira persija informa ba ekipa jestaun suku hodi buka solusaun atu bele lori materian to’o iha fatin projetu.

Liga ho kestaun distribuisaun material fabrikadu ba fatin projetu, tuir mata dalan PNDS fornesedor sira sei iha akordu ho ekipa jestaun suku atu bele responsabiliza material fabrikadu to’o iha fatin projetu.

Iha Munisipiu Baucau implementasaun iha faze 3 siklu 2 iha postu tolu mak hanesan Venilale, Bemase no Baguia ho total projetu hamutuk 27 neebe kompostu husi projetu be’e mos hamutuk 12 projetu no seitor seluk.