Obra Uma Ofisial Polisia Suku (OPS) iha Suku Ogues Ofisialmente Inagura Husi Komandante Servisu Investigasaun Kriminal no Akompanha Husi Adjuntu Administrador Munisipiu Covalima

Amu Paroqia Salele fo Bensa ba Uma OPS Suku iha Suku Ogues, Posto Administrativu Maucatar, Munisipiu Covalima.

Amu Paroqia Salele fo Bensa ba Uma OPS Suku iha Suku Ogues, Posto Administrativu Maucatar, Munisipiu Covalima.

Konstrusaun Projeitu Uma Ofisiál Polísia Komunitariu Suku (OPS) ne’ebé konstrui iha suku Ogues, Postu Munisipiu Administrativo Maucatar, Munisipiu Covalima, inagura husi Komandante Polisia Servisu Investigasaun Kriminal no Akompanya husi adjuntu Administrador Munisipiu Covalima iha loron 05 Novembru 2018.

Komandante Polisia Servisu Investigasaun kriminál PNTL Jorge Monteiro iha nia intervensaun hato’o agradesimentu ba governo Nova Zelandia tanba ho apoiu ne’ebé sira fo PNTL liu husi Ministeriu Administrasaun Estatal, ne’ebé Sekretariado Tekniku PNDS nudar jestor ba projeitu ne’e mak hala’o konstrusaun uma ofisiál polísia suku, iha suku Ogues ne’ebé ho kualidade di’ak.

Uma Postu Polisia iha Suku Ogues ne'ebe hetan inagura husi Komandante Polisia Servisu Investigasaun kriminál PNTL no Akompanya husi adjuntu Administrador Munisipiu Covalima.

Uma Postu Polisia iha Suku Ogues ne’ebe hetan inagura husi Komandante Polisia Servisu Investigasaun kriminál PNTL no Akompanya husi adjuntu Administrador Munisipiu Covalima.

Tuir Komandante Polisia Servisu Inventigasaun Kriminal Jorge Monteiro ho apoiu orsamentu hodi konstrui uma inklui fasilidade balun ne’e bele ajuda fasilita ona PNTL nia membru sira hodi hala’o knar atendementu ba komunidade iha areia rural ho di’ak.

Iha parte seluk adjuntu administradór Munisipiu Covalima Afonsu Nogueira Nahak hato’o agradesimentu ne’ebé profundu ba Governo Nova Zelandia, Komando Geral PNTL inklui Sekretariado Tekniku PNDS tanba ho esforsu tomak ne’ebé iha bele konklui ona konstrusaun uma OPS nee. tuir lideransa lokal sira katak uma ho fasilidade ne’ebé iha bele fasilita membru polísia OPS hodi hela metin iha fatin atu bele fo asistensia ba komunidade iha suku Ogues.

Serimónia inaugurasaun uma OPS ne’e remata ho bensaun husi amu lulik inklui ofisialmente entrega savi husi komandante Servisu Investigasaun Kriminal, Jorge Monteiro ba komandante PNTL Munisípiu Covalima nudar símbolu patrimoni PNTL Munisípiu nian ne’ebé sei uza hodi hala’o atividade polisiamentu komunitariu iha suku Ogues.