Ministerio Administrasaun Estatal Liu Husi PNDS Halo Audensia ho Komisaun C Hodi Esplika Konaba Lalaok Implementasaun Programa Nasional Dezenvolvimentu Suku

Vice Ministro e Ministro Interino MAE, akompanha husi Diretora PNDS halo Audensia ho Komisaun C Plarlamento Nasional hodi Esplika konaba orsamentu neebe aloka ba PNDS

Vice Ministro e Ministro Interino MAE, akompanha husi Diretora PNDS halo Audensia ho Komisaun C Plarlamento Nasional hodi Esplika konaba orsamentu neebe aloka ba PNDS

Vice Ministru Administrasaun Estatal Sr.Abilio Jose Caetano akompanha husi Diretora Nasioal Programa Nasional Dezenvolvimento Suku, Sra.Dulce Junior Guterres  halo Audensia ho Bankada C Asuntu Ekonomia no Finansas iha Salaun Konferensia Parlamentu Nasional,Dili 22/05/2019.

Objectivo husi audensia ne’e koalia konaba orsamentu ne’ebe aloka ba munisipius sira hotu nebe iha teritorio laran tomak hahu husi prosessu elaborasaun no ejekusaun to’o relatoriu orsamentu ba implementasaun projeitus PNDS nebe’e halao iha 12 Munisipiu inklui RAEOA.

Iha Audensia Vice Ministro Administrasaun Etatal, Sr.Abilio Jose Caetano klarifika ba deputados komisaun C ba Asuntu Ekonomia no Finansas konaba elaborasaun orsamentu Ministerio Administracao Estatal inklui PNDS katak elaborasaun orsamentu Munisipius nia,  tuir dekretu lei 3/2016 katak molok submete ba Ministeriu finansas parte Ministeriu Administrasaun Estatal inklui Munisipiu sira persija elabora hodi hetan aprovasaun.

Deputada Fernanda Lay husi Komisaun C Parlamento Nasional husu Klarifikasaun konaba ezekusaun orsamentu PNDS

Deputada Fernanda Lay husi Komisaun C Parlamento Nasional husu Klarifikasaun konaba ezekusaun orsamentu PNDS

Enkuantu sobre ezekusaun orsamentu Vice Ministro MAE klarifika katak ezekusaun orsamentu Munisipiu nian depende ba transferensia orsamentu ne’e Ministeriu Finansas sei tranfere liu husi banko central ba konta bankaria Munisipiu nian no husi ne’e mak Munisipiu sira ezekuta kada trimestral no relatoriu trimestral kada Munisipiu sei haruka direita ba Ministeriu Finansas no Ministeriu Administrasaun Estatal simu deit kopia.

Ho audensia ne’e iha loron 4 fulan junho 2019 Parlamentu Nasional atravesa  komisaun C Asuntu Ekonomia e Finansas ho PNDS sei ba halo fiskalijasaun ba orsamentu iha Munisipiu ha’at (4) mak hanesan Munusipiu Baucau, Munisipiu Lautem, Munisipiu Bobonaro no Munisipiu Ermera.

Enkuantu  sobre alokasaun orsamentu ba Programa Nasional Dezenvolvimentu Suku iha tinan 2019 PNDS propoin orsamentu ba suku hotu iha teritoriu Timor Leste maibe tanba limitasaun orsamentu mak Sekretariado Tekniku so bele aloka deit 202 suku iha tinan 2019 ne’ebe implementasaun iha faze 3 siklu 2