Komunidade Suku Sau Realiza Enkontru Akontabilidade Final ba Implementasaun Obra Playground

Reprezentatnte Diretora Nasional Senhor Filipe Viera Cardoso, fahe Informasaun ba komunidade Aldeia Obrato Suku Sau, kona-ba Obra Fatin Halimar Pre-Ecscolar iha Enkontru Akontabilidade Final.

Reprezentatnte Diretora Nasional Senhor Filipe Viera Cardoso, fahe Informasaun ba komunidade Aldeia Obrato Suku Sau, kona-ba Obra Fatin Halimar Pre-Escolar iha Enkontru Akontabilidade Final.

Atu garantia transparansia no akontabilidade husi ezekusaun orsamentu ba implementasaun Obra Playground ne’ebe implementa liu husi Programa PNDS, Komunidade Suku Sau, Postu Administrativu Manatuto villa, Munisípiu Manatuto halao ona enkontru akontabilidade final iha loron 17 fulan Janeiru 2019. Enkontru akontabilidade ne’e ninia objetivu atu informa ba komunidade suku liu-liu kona ba gastus orsamentu nomós rezultadu projetu ne’ebé komunidade sira finaliza ona.

Reprezentante Chefe Suku Sau Jose Da Costa (Jehunu), iha enkontru ne’e informa ba komunidade kona-ba importánsia husi atividade ne’e maka EJS ne’ebe jere orsamentu implementasaun fatin halimar fo sai gastu orsamentu hodi hatudu trasferensia moa kontabilidade iha ezekusaun osamantu ba implementasaun Playground.

Ekipa Jestaun Suku Aprezenta Deskripsaun konaba Gastus Orsamentu Infraestrutura no Operasional Suku Sau, Postu Administrativu Manatuto Villa.

Ekipa Jestaun Suku Aprezenta Deskripsaun konaba Gastus Orsamentu Infraestrutura no Operasional Suku Sau, Postu Administrativu Manatuto Villa.

Komunidade sira ne’ebé partisipa iha enkontru ne’e sente kontente ho atividade ne’e tamba iha implementasaun programa PNDS la’os deit atu responde komunidadi nia problema Dezenvolvimentu maibe kapasita mós komunidade sira atu tur hamutuk no identifika problema Dezenvolvimentu iha Suku, halo rasik planu no implementa, halo monitorizasaun nomós jere rasik orsamentu ne’ebé laos deit husi Governu Timor maibe husi Governu Nova Zelandia aloka liu husi MInisteriu Edukasaun no PNDS mak nudar implementador Fatin Halimar. Rezultadu husi enkontru ne’e komunidade tomak aseita tamba Ekipa Jestaun Suku hato’o relatóriu tuir prinsípiu programa ninia ne’ebé bele garantia transparansia nomós akontabilidade.

Iha enkontru ne’e mos ekipa PNDS Munisipiu entrega savi odataman Fatin Halimar Pre-Escolar ba Reprezentante Diretur Interinu Ministériu Edukasaun Munisipiu Manatuto no ekipa husi PNDS Nasional, Munisipiu, Chefe Adeia, Reprezentante husi Ministériu Edukasaun, no Komunidade sira direita ba hare progresu projeitu Fatin Halimar Pre-Escolar (Playground).

Total partisipante hirak ne’ebé partisipa iha enkontru ne’e mais ou menus iha ema 30 resin, kompostu husi komunidade Suku Sau, lider komunitáriu ho konsellu Suku, nomós Media Nasional. Eventu ida ne’e hetan observasaun direita husi ekipa PNDS nasionál nomós sub nasionál.