IT PNDS Aprezenta Estimasaun Orsamentu Migrasaun Infraestrutura IT PNDS ba iha TIC TIMOR I.P

Elvis Ximenes, nudar Asessor ba IT husi Parseiru Cardno hala'o aprezentasaun ba Ekipa ST-PNDS kona-ba Planu Migrasaun Linha Internet no Intranet PNDS nian.

Elvis Ximenes, nudar Asessor ba IT husi Parseiru Cardno hala’o aprezentasaun ba Ekipa ST-PNDS kona-ba Planu Migrasaun Linha Internet no Intranet PNDS nian.

Enkontru plano migrasaun infraestrutura IT ba iha TIC Timor I.P hala’o iha sekretariadu Tékniku PNDS, 10/07/2019.

Objektivo husi Enkontru ne’e maka koalia konaba planu Migrasaun Linha Internet no Intranet PNDS nian ba iha liña Governu ne’ebé maneja husi TIC TIMOR no Elemina kustu ne’ebé durante selu ba Internet & Intranet, kuase US$65,000 kada tinan.

Diretor Interino ST. PNDS, Marcio J. Marcal. F. Lihite iha nia intervensaun apresia ho plano ne’e tanba bele redus kustu selu internet no intranet maibé inportante mak IT PNDS persija garante seguransa ba dadus hotu PNDS nia iha futuru.

Chefe Unidade Administrasaun Finansas, Secondino F. Moreira, hala'o intervensaun iha Enkontru hamutuk ho Ekipa ITC ST-PNDS kona-ba Estimasaun Orsamento Migrasaun Infraestrutura IT PNDS ba iha TIC TIMOR I.P.

Chefe Unidade Administrasaun Finansas, Secondino F. Moreira, hala’o intervensaun iha Enkontru hamutuk ho Ekipa ITC ST-PNDS kona-ba Estimasaun Orsamento Migrasaun Infraestrutura IT PNDS ba iha TIC TIMOR I.P.

Entretanto husi aprezentasaun Assesor ITC PNDS, Elvis Xiemenes husi parseiru Cardno katak Konfigurasaun oin tolu 3 ne’ebé mak sei realiza iha tinan ne’e to’o tinan 2020 Maka  Primeira parte ba Konfigurasaun hahu husi Sekretariadu Tékniku PNDS, Katak data center PNDS nian ne’ebé iha Fatuhada sei muda ba iha TIC Timor nia data center iha Palacio de Governu, segunda parte mos, PNDS Munisipiu ne’ebé hamutuk ho edifísiu Administrasaun Munisípiu Sei konekta ba rede TIC TIMOR ne’ebé estabelese ona iha Munisípiu Administrasaun no Funsionario PNDS Munisípiu sei hetan assessu ba servisu hanesan (Email, Internet, websites, VoIP telefone ba Munisipiu, Apoio Suppoerte Remote no Sistema Jestaun Informasaun (MIS)) husi liña ne’ebé ho bandwidth bo’ot, Diferente ho PNDS Munisipiu Ainaro no Ermera ne’ebé nia edifisiu do’ok husi Administrasaun Munisipiu ho distansia 320 to’o 350 Metrus, katak sei iha ligasaun linha fibra Otica husi rede TIC TIMOR ne’ebé estabelese ona iha Munisípiu Administrasaun ba edefisiu PNDS. Tersera parte PNDS RAEOA, ne’ebé Rede fibra Otica TIC TIMOR ba iha RAEOA sei estabelese iha 2020, TIC TIMOR sei uja Telkomcel hanesan operador ba iha rede TIC nian, Tanba ne’e PNDS Oecussi sei uja Telkomcel hodi bele hetan assessu ba Internet no Rede TIC.

Diretor Interino ST-PNDS, Marcio J. Marcal. F. Lihite, hala'o intervensaun apresia ho planu husi Ekipa ITC ST-PNDS.

Diretor Interino ST-PNDS, Marcio J. Marcal. F. Lihite, hala’o intervensaun apresia ho planu husi Ekipa ITC ST-PNDS.

Elvis Ximenes afirma estimasaun Fundus ba konfigurasaun Infraesturtura internet PNDS ba iha TIC TIMOR  ho kustu selu Internet no Intranet ba fulan Julhu 2019 ho total fundus hamutuk montante $12,000.00 ate $ 15 756.00 ho nia prazu to’o iha fulan Marsu 2020, enkuantu Estimasaun Budget ITC PNDS nian hodi sosa Software ne’ebé instala ba komputador sira iha Sekretariadu PNDS, Inklui manutensaun kada tinan ba iha  TIC TIMOR no wainhira Estabelese liña fibra Otica TIC TIMOR iha RAEOA iha tinan fiscal 2020 ho montante $7,270.00.

Enkontru ne’e partisipa husi Diretur Interinu PNDS Nasional, Chefe Unidade Finansas, Chefe Dep. Implementasaun, Chefe Dep. Monotorizasaun no Avaliasaun, Chefe Dep. Logistik hamutuk ho Ekipa IT hotu PNDS nian.