Fundasaun Alola Hala’o Work Shop Konaba Partisipasaun Feto iha PNDS

Involvimentu maluk feto iha programa PNDS

Involvimentu maluk feto iha programa PNDS

Workshop ne’ebé organiza  husi Fundasaun Alola  iha edifísiu Fundasaun Alola, Caicoli-Dili (22/08/2014), hanesan parte ida atu fahe informasaun kona ba lala’ok no mekanizmu implementasaun programa PNDS.

Fundasaun Alola hanesan mós parte ida husi sosiedade sivíl ne’ebé intresante tebes atu hatene lala’ok implementasaun programa PNDS liuliu iha parte involvimentu feto iha programa ida ne’e.

Sekretáriu Estadu Dezenvolvimentu Lokál, Samuel Mendonca, hatete katak:

“Implementasaun Programa Nasionál Dezenvolvimentu Suku hanesan programa komunitariu tanba komunidade mak diskute hodi define prioridade, halo planu, jere  no implementa rasik projetu no ikus mai komunidade rasik mak sei hetan ninia benefísiu”.

Tanba ne’e presiza esforsu husi sosiedade sivíl tomak liuliu hanesan Fundasaun Alola atu bele enkoraja maluk feto sira hodi nune’e sira bele partisipa  no involve ativu iha Dezenvolvimentu nasaun ninia liuliu iha programa PNDS.

Sosiedade sivíl hanesan mós parseiru husi Estadu ka Governu ba Dezenvolvimentu nasaun, no sira rekomenda ba ST PNDS katak importante liu mak haforsa komunidade iha area kapasitasaun tantu iha parte finansas, tékniku nomós sosiál atu nune’e komunidade sira bele jere rasik programa ne’e iha sira suku laran ho susesu.

Workshop nee hetan partisipasaun masimu husi Estudante Universitáriu, no  NGOs lokál.

Alzira Reis, Diretora Executiva Fundasaun Alola halo introdusaun kona ba Work shop

Alzira Reis, Diretora Executiva Fundasaun Alola halo introdusaun kona ba Work shop