Enkontru Kordenasaun Nasional ba Implementasaun Rehabilitasaun no Konstrusaun ba Ensinu Baziku sia (9) ne’ebe sei Implementa ho Sistema PNDS

Diretur Geral Polika Planeamentu no Parceria Ministeriu Edukasaun, Antoninho Pires Akompanha husi Diretora Nasional PNDS Dulce Guterres Junior no Tim lider Cardno abertura Enkontru Kordenasaun Nasional ba Implementasaun Eskola 9

Diretur Geral Polika Planeamentu no Parceria Ministeriu Edukasaun, Antoninho Pires Akompanha husi Diretora Nasional PNDS Dulce Guterres Junior no Tim lider Cardno abertura Enkontru Kordenasaun Nasional ba Implementasaun Eskola 9

Objectivu husi Enkontru Nasional Implementasaun Rehabilitasaun no Konstrusaun, PNDS no MEJD hodi fahe informasaun ba Diretor Edukasaun husi Munisipiu 7 no Kordenador PNDS iha Munisipiu 7,kordenasaun Nasional ne’e partisipa husi DG Politika Planeamentu e Parseria, Diretor DNIE, Diretora Nasional PNDS,Funsionariu sekretariadu PNDS, Chefe Unidade 2 no Chefe Departamentu 6, iha salaun infordepe balide,11/06/19

Iha abertura Diretor Jeral Politika Planeamentu e Parseria, Ministeriu Edukasaun, Antoninho Pires hatete, sorumutu ohin nudar pasu inportante atu bele fahe informasaun ba malu konaba prosesu tomak, atu nune’e Ministeriu Edukasaun Joventude no Desportu no PNDS bele hatene kna’ar ne’ebe hatur ona iha akordo laran. Nune’e Diretor Jeral Politika Planeamentu Parseria Ministeriu Edukasaun Joventude no Desportu ne’e Apela ba Diretur Edukasaun Municipal katak servisu ida ne’e sussesu depende ba ita hotu nia dezempenhu serbisu.

Iha intervensaun Diretora Nasional PNDS hato’o katak Sistema ne’ebe PNDS iha maka Ministeriu Edukasaun Joventude no Desportu fo fiar ba PNDS hodi implementa uma 9 ne’ebe orsamentu rasik mai husi Ministeriu Edukasaun, Diresaun Nasional Infraestrutura Edukativa tanba ne’e Enkontru ne’e atu hatene lalaok mata dalan implementasaun liliu prosesu planeamentu, aprovijionamentu, atu nune’e komunidade gere osan suku nia ho diak.

Partisipante sira ne'ebe kompostu husi Diretur Delegasaun PNDS no Diretur Edukasaun Munisipiu 7

Partisipante sira ne’ebe kompostu husi Diretur Delegasaun PNDS no Diretur Edukasaun Munisipiu 7

Iha oportunidade ne’e Diretora PNDS akresenta katak fiar no konfiansa ne’ebe Ministeriu Edukasaun fo ba PNDS atu implementa projetu eskola sia inklui fatin halimar hamutuk 124 iha teritoriu Timor-Leste mesmu iha difikuldades barak maibe espera katak PNDS sei finalize projetu hirak ne’e ho kualidade diak.

Iha enseramentu Diretora Nasional PNDS, apela ba koordenador PNDS no Diretur Edukasaun Munisipiu 7 kompostu husi Munisipiu Ainaro, Baucau, Bobonaro, Ermera, Lautem, Manufahi no Viqueque atu kordena malu tanba antes ne’e PNDS no Ministeriu Edukasaun Joventude no Desportu iha ona esperensia serbisu hamutuk ne’e diak tebes, espera katak ho esperensia ne’e ekipa PNDS no Edukasaun Munisipal bele aslera projetu eskola sia ne’e ho lalais nune’e estudante sira bele uja hodi ba proseseu aprendijagem ho diak.