Diretora PNDS, Claudinha Soares Pinto hamutuk ho Reprezentante Embaixador Australia ba Timor Leste Asina termos de Intrega Profil
Serimonia simbolikamente entrega tanki be’e ne’e realiza iha Edifisiu Sekretarido Tekniku Programa Nasional Dezenvolvimentu Suku (PNDS) iha Vila Verde Dili, Timor Leste, 04/09/2020.
Reprejentante Embaixador Australia ne’ebe simbolika entrega tanki be’e ne’e, Geordie Funa iha nia intervensaun afirma katak apoiu ne’e nudar meus ida ne’ebe governo Australia liu husi nia Embaixada iha Timor-Leste halo bele fasilita komunidade prevene an husi moras Covid-19 ne’ebe maka sai prekupasaun nasaun hotu iha mundu inklui Timor-Leste.
Reprejentante Embaixador Australia, Geordie Funa ne’e fo hanoin katak ho maneira fase liman bebeik mak bele prevene ita husi moras Covid -19.
Iha oportunidade hanesan Diretora ST-PNDS, Claudinha Soares Pinto, agradece tebes ba apoiu ne’ebe mai husi Governo Australia liu husi nia Embaixada iha Timor Leste, hodi fornese apoiu ne’e atraves husi Programa PARTISIPA.
Simbolika Reprezentante Embaixador Autralia Entrega Profil tanki be’e
Diretora PNDS ne’e mos informa katak apoiu tanki hamutuk 253 sei kontinua distribui ba Suku sira iha Timor laran liu-liu suku hirak ne’ebe implementa programa PNDS Faze 1 no 2 siklu 3. Diretora iha esperansa katak bainhira komunidade simu ajuda ida ne’e liu-liu komunidade ne’ebe partisipa iha serbisu obra implementasaun PNDS bele fase liman bebeik hodi prevene no proteje a’an husi moras COVID-19.
Serimonia entraga tanki be’e hirak ne’e entrega husi reprezentante Embaixador Australia ba Timor Leste, Geordie Funa no simu husi Diretora ST-PNDS, Claudinha Soares Pinto no asiste husi Assesor PARTISIPA, Chefe Unidade, Chefe Departamentu no Funsionario Sekretariado iha Edifisiu Sekeretariado Tekniko Programa Nasional Dezenvolvimentu Suku, Rua Katedral Dili.
